کولار:10؍ستمبر(ایس اؤ نیوز)کولار ضلع ، کے جی ایف تعلقہ کے مرد گھٹا دیہات میں گنیش وسرجن کے دوران  6بچے ندی  میں ڈوب کر ہلاک ہوگئے، واردات منگل کی شام کو پیش آئی۔  مرنے والوں کی   شناخت  رکشھتا، اس کی بہن تیجا، وشنوی ، وینا ، روہیت اور دھنوش کی حیثیت سے کی  گئی ہے، ان سبھی کی عمریں دس سے 14 سال کی ہیں۔

ذرائع سے ملی اطلاع کے مطابق آج 10/محرم ہونے کی بناء پر اسکول میں چھٹی تھی، جس کو دیکھتے ہوئے دیہات کے 8بچے کھیل کھیل میں جھیل کی چکنی مٹی کی مدد سے اپنے ہی ہاتھوں سے  گنیش کی مورتی بنا کر پہلے  پوجا کی پھر  اس گنیش کی مورتی کو   وسرجن کے لئے ندی میں  لے گئے جس کے دوران  یہ  حادثہ پیش آیا۔  8 بچوں میں سے دو بچے بچ گئے ہیں، البتہ چھ بچے ندی میں غرق ہوکر ہلاک ہوگئے۔  بچوں کی نعشیں بر آمد کرلی  گئی ہیں۔

حادثے کی اطلاع ملتے ہی پولس  جائے وقوع پر پہنچ گئی اور  معائنہ کرتے ہوئے   کیس درج   کرلیا۔